ԵՄ-ում Բուլղարիայի նախագահությունը ստանձնելուն նվիրված համերգին հնչեց Արամ Խաչատրյանի երաժշտությունը

11 հունվարի, 2018

Բուլղարիայի փոխվարչապետ, արտաքին գործերի նախարար Ե. Զախարիևայի բարձր հովանու ներքո ս.թ. հունվարի 10-ին Սոֆիայում կայացավ “Europe to Music” դասական երաժշտության համերգ, որը կազմակերպվել էր ԵՄ Խորհրդում ԲՀ նախագահությունը ստանձնելուն նվիրված միջոցառումների շրջանակներում:

Համերգի ընթացքում Բուլղարիայի սիմֆոնիկ նվագախմբի կատարմամբ հնչեցին Ավստրիան, Ֆրանսիան, Գերմանիան, Իսպանիան, Ռուսաստանը և եվրոպական մի շարք այլ երկրներ ներկայացնող դասականների գոհարները: Դրանց թվում էր նաև Արամ Խաչատրյանի “Գայանե” բալետի “Սուսերով պարը”: Անզուգական երաժշտության ներքո դահլիճի էկրանին ցուցադրվեցին Հայաստանի պատմամշակութային ժառանգության կոթողների և հայոց բնաշխարհի գեղատեսիլ վայրերի պատկերները:

ՙՙԵրաժշտությունը միավորող ուժ է՚՚ խորագրով համերգի կազմակերպիչներն առանձնահատուկ նշանակություն են տալիս Եվրոպայի մշակութային ժառանգության պահպանմանն ու հաջորդ սերունդներին դրա փոխանցմանը, ինչպես նաև այդ գործում եվրոպական աշխարհամասում բնակվող ժողովուրդների կարևոր առաքելությանը:

Նշենք, որ Հայաստանը մեր տարածաշրջանի միակ երկիրն էր, որին ներկայացնող և համաշխարհային համբավ ունեցող կոմպոզիտորի ստեղծագործութնունն ընդգրկված էր վերը նշված միջոցառման ծրագրում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր