Սոֆիայում տրվեց ԵՄ Խորհրդում Բուլղարիայի նախագահության պաշտոնական մեկնարկը

12 հունվարի, 2018

Ս. թ. հունվարի 11-ին Սոֆիայում տեղի ունեցավ ԵՄ Խորհրդում Բուլղարիայի նախագահության պաշտոնական մեկնարկին նվիրված հանդիսավոր արարողությունը:

Օրվա առիթով Բուլղարիայի մայրաքաղաքում էին գտնվում Եվրոպական խորհրդարանի նախագահ Ա. Տայանին, Եվրոպական խորհրդի նախագահ Դ. Տուսկը, Եվրահանձնաժողովի նախագահ Ժ.-Կ. Յունկերը, ԵՀ հանձնակատարներ և այլ բարձրաստիճան պաշտոնյաներ և հյուրեր:

Արարողության մասնակիցներին ողջունեցին ԲՀ նախագահ Ռ. Ռադևն ու վարչապետ Բ. Բորիսովը, ելույթներով հանդես եկան ԵՄ Խորհրդում ԲՀ նախագահության հարցերով նախարար, փոխվարչապետ Լ. Պավլովան և ԵՄ օրենսդիր և գործադիր կառույցների ղեկավարները: Ելույթների հիմնական պատգամն էր նախագահության կարգախոսը արտահայտող՝ “Միասին՝ մենք ուժեղ ենք” լոգոն:

Ընդգծելով Եվրոպայի ընդհանուր անվտանգության, ինչպես նաև կրթության ոլորտներում ներդրումների կարևորությունը՝ ԲՀ նախագահ Ռ. Ռադևը հույս հայտնեց, որ իր երկիրը կարող է և կանի ամեն ինչ Եվրոպայի ապագայի համար:

Վարչապետ Բ. Բորիսովն անդրադարձավ երկրի տնտեսության առաջնային բնագավառներում արագ զարգացման, տարածաշրջանային համագործակցության, պաշտպանության և միգրացիայի խնդիրների հետ կապված հարցեին՝ նշելով, որ “յուրաքանչյուր քաղաքացի իր վրա պետք է զգա ԵՄ-ում երկրի անդամակցության առավելությունները”:
Հանդիսավոր արարողությանը մասնակցեց Բուլղարիայում ՀՀ դեսպան Արմեն Սարգսյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր