Հանդիսավոր արարողություն ՀՀ դեսպանությունում

16 մարտի, 2018

Ս.թ. մարտի 15-ին Բուլղարիայում ՀՀ դեսպանությունում տեղի ունեցավ հանդիսավոր արարողություն՝ նվիրված Պլովդիվում ՀՀ պատվավոր հյուպատոս Եղիազար Ուզունյանի պարտականությունների ավարտին:

Իր խոսքում Բուլղարիայում ՀՀ դեսպան Արմեն Սարգսյանը բարձր գնահատեց Ե. Ուզունյանի երկարամյա աշխատանքը ՀՀ պատվավոր հյուպատոսի պաշտոնում՝ մաղթելով նրան քաջառողջություն և հաջողություններ հետագա աշխատանքային և հասարակական գործունեության մեջ:

Իր հերթին Ե. Ուզունյանը շնորհակալություն հայտնեց դեսպանությանը՝ անցած տարիների ընթացքում սերտ համագործակցության և օժանդակության համար, ինչպես նաև արտահայտեց իր պատրաստակամությունն ապագայում ևս օգտակար լինել դեսպանությանը՝ հայանպաստ բարեգործական և մշակութային ծրագրերի իրականացման գործում:

Ի գնահատում երկարամյա արդյունավետ աշխատանքի և հայ-բուլղարական կապերի զարգացման գործում ունեցած նշանակալի ներդրումի համար Եղիազար Ուզունյանին հանձնվեց Շնորհակալագիր, ինչպես նաև հուշանվեր:

Բուլղարիայում ՀՀ դեսպանություն

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր