Մայիսի 9-ին նվիրված միջոցառումներ Բուլղարիայում

10 մայիսի, 2018

Մայիսի 9-ին Բուլղարիայի մի շարք քաղաքներում տեղի ունեցան միջոցառումներ՝ նվիրված երկրորդ համաշխարհային և Հայրենական մեծ պատերազմում տարած հաղթանակի 73-րդ տարեդարձին: Միջոցռումների մեծ մասը նախաձեռնվել էին Բուլղարիայում ՌԴ դեսպանության և ռուսամետ տարաբնույթ բուլղարական կազմակերպությունների կողմից:

Սոֆիայում և Պլովդիվում կազմակերպված տոնական հանդիսություններին մասնակցեց Բուլղարիայում ՀՀ դեսպան Արմեն Սարգսյանը: ՀՀ դեսպանության անունից ծաղկեպսակներ զետեղվեցին Սոֆիայի կենտրոնում գտնվող Սովետական բանակի հուշարձանին, ապա Անհայտ զինվորի գերեզմանին: Օրվա երկրորդ կեսին դեսպան Սարգսյանն այցելեց Պլովդիվ քաղաք, ուր ծաղկեպսակ զետեղեց հայտնի “Ալյոշա” հուշարձանին:

Տոնական միջոցառումների մասնակիցների թվում էին պատերազմի վետերաններ, տարբեր երկրների հասարակական կազմակերպությունների, դիվանագիտական կորպուսի ներկայացուցիչներ: Ռուս և բուլղար կատարողների և դպրոցականների կողմից հնչեցվեցին պատերազմական թեմատիկային նվիրված երգեր և բանաստեղծություններ:

Սոֆիայում, ինչպես նաև Բուլղարիայի մի շարք այլ քաղաքներում կազմակերպված տոնակատարությունների շրջանակներում տեղի ունեցան “Անմահ գունդ” անվանումը կրող երթեր:

Օրվա առիթով միջոցառումներն ավարտվեցին տոնական համերգային ծրագրով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր