Բուլղարիայում ՀՀ դեսպանն ընդունեց հայ պատանի երաժիշտներին

18 մայիսի, 2018

Մայիսի 18-ին Բուլղարիայում ՀՀ դեսպանությունը հյուրընկալեց Հայաստանից ժամանած ՙՙՆոր անուններ՚՚ ծրագրի հաղթող չորս պատանի կատարողների, ովքեր մայիսի 20-ին և 21-ին Սոֆիայում և Պլովդիվում հանդես կգան Հայաստանի Հանրապետության հիմնադրման հարյուրամյա հոբելյանին նվիրված համերգներով:

Ողջունելով հյուրերին՝ դեսպան Արմեն Սարգսյանը բարձր գնահատեց տարբեր երկրներում հանդես եկող պատանի կատարողների հայանպաստ գործունեությունը՝ մաղթելով նրանց նորանոր հաջողություններ ստեղծագործական կյանքում:

Մայիսի 20-ին Սոֆիայի կոնսերվատորիայի մեծ դահլիճում կայանալիք ՙՙՀայաստանի և Բուլղարիայի նոր անուններ՚՚ խորագիրը կրող համերգը, որին մասնակցում են նաև բուլղարացի պատանի երաժիշտները, տեղի կունենա անվանի բուլղարահայ դիրիժոր Պետրոս Փափազյանի ղեկավարած ՀԲԸՄ կամերային նվագախմբի նվագակցությամբ: Հայաստանի դեսպանության հովանու ներքո կազմակերպված այս համերգի ծրագրում ներառված են ինչպես հայ, այնպես էլ բուլղարացի և արտասահմանյան կոմպոզիտորների մի շարք ստեղծագործություններ:

Համերգների կազմակերպիչներն են ՀԲԸՄ Սոֆիա մասնաճյուղը և Պլովդիվի հայկական մշակութային տեղեկատվական կենտրոնը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր