Հայաստանի Հանրապետության 100-ամյակին նվիրված համերգ Բուլղարիայում

21 մայիսի, 2018

Մայիսի 20-ին Սոֆիայի կոնսերվատորիայի մեծ դահլիճում կազմակերպեց ՙՙՀայաստանի և Բուլղարիայի նոր անուններ՚՚ խորագիրը կրող համերգ՝ նվիրված Հայաստանի Հանրապետության 100-ամյակին:

Համերգին, որ կազմակերպվել էր ՀԲԸՄ Սոֆիայի մասնաճյուղի կողմից Հայաստանի դեսպանության հովանու ներքո, ելույթ ունեցան հայ և բուլղարացի պատանի երաժիշտներ: Հատուկ այս նպատակով Հայաստանից ժամանել էին երգիչներ Անի Մարգարյանը և Նարեկ Սահակյանը, ջութակահար Ասյա Անիսիմովան և սակսոֆոնահար Ալեքսանդր Ավետիսյանը: Անվանի բուլղարահայ դիրիժոր Պետրոս Փափազյանի ղեկավարած ՀԲԸՄ կամերային նվագախմբի նվագակցությամբ հնչեցին ինչպես հայ, այնպես էլ բուլղարացի և արտասահմանյան կոմպոզիտորների ստեղծագործություններ:

Համերգի մասնակիցներին և հանդիսատեսին ուղղված ողջույնի խոսքով հանդես եկավ Բուլղարիայում ՀՀ դեսպան Արմեն Սարգսյանը: Նա նշեց, որ այս տարի ամբողջ աշխարհի հայությունը մեծ հանդիսությամբ տոնում է Հայաստանի Հանրապետության ստեղծման հարյուրամյա հոբելյանը: ՙՙՀիշելով մեր պատմության հերոսական էջերը, - ասաց ՀՀ դեսպանը, - մենք նայում ենք առաջ՝ դեպի առաջադեմ, ժողովրդավար Հայաստան կերտելու ապագան՚՚:

Դեսպան Ա. Սարգսյանը նշեց նաև, որ արդի Հայաստանում զարգանում են մշակույթի և արվեստի ինչպես հին հայկական ավանդական ճյուղերը, այնպես էլ համաշխարհային դասական և ժամանակակից արվեստը, ինչի վառ ապացույցներից է նաև այսօրվա համերգը:

Մայիսի 21-ին Հայաստանի Հանրապետության 100-ամյակին նվիրված հայ պատանի կատարողների մասնակցությամբ համերգ տեղի կունենա նաև Պլովդիվում՝ կազմակերպված Հայկական մշակութային տեղեկատվական կենտրոնի կողմից:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր