Հայաստանի Հանրապետության և մայիսյան հերոսամարտերի 100-ամյակին նվիրված հավաք-ընդունելություն Սոֆիայում

28 մայիսի, 2018

Մայիսի 28-ին Բուլղարիայում ՀՀ դեսպանությունում կազմակերպվեց Հայաստանի Հանրապետության և մայիսյան հերոսամարտերի 100-ամյակին նվիրված հավաք-ընդունելություն, որին ներկա էին Սոֆիայում գործող բուլղարահայ համայնքային կառույցների ղեկավարները և ակտիվը:

Օրվա առիթով շնորհավորական խոսքով հանդես եկավ դեսպան Արմեն Սարգսյանը: Նա, մասնավորապես, նշեց, որ հարյուր տարի առաջ, մայիսյան այս օրերին, հայ ժողովուրդը, տանելով դժվարին հաղթանակներ թուրքական զորքերի դեմ հղած հերոսական մարտերում, կարողացավ փրկել Արևելյան Հայաստանը հերթական ցեղասպանությունից: Տոնելով մի շարք հաղթանակներ Սարդարապատի, Բաշ-Ապարանի և Ղարաքիլիսայի ճակատամարտերում՝ 1918թ. մայիսի 28-ին հայ ժողովուրդը հռչակեց Հայաստանի առաջին Հանրապետության ստեղծումը: Վերջապես, դարավոր ընդմիջումից հետո, Հայաստանը վերականգնեց իր պետականությունը: Հիշելով մեր պատմության հերոսական էջերը՝ մենք նայում ենք առաջ՝ դեպի առաջադեմ, ժողովրդավար Հայաստան կերտելու ապագան:

Դեսպան Ա. Սարգսյանն անդրադարձավ ՀՀ ներքին և արտաքին քաղաքականությանն առնչվեղ հարցերին՝ կարևորերով Հայաստանի տնտեսական զարգացմանն ու միջազգային ասպարեզում երկրի դերի ակտիվացմանն ու ամրապնդմանն ուղղված ՀՀ կառավարության ջանքերը: Ընգծվեց նաև Հայաստան-սփյուրռք կապերի հետագա ամրապնդման անհրաժեշտությունը, մասնավորապես, բուլղարահայ համայնքային կառույցների և անհատների գործունեության ակտիվացումը՝ ի նպաստ նոր Հայաստանի բարգավաճմանը:

Շնորհավորելով դեսպանությանը տոնի առթիվ՝ համայնքի ներկայացուցիչները տեղեկացրեցին Բուլղարիայի տարբեր հայաշատ համայնքներում համայնքի ուժերով և դեսպանության հետ համագործակցությամբ իրականացվող՝ Հայաստանի առաջին Հանրապետությանը նվիրված միջոցառումների մասին: Քննարկվեցին տարվա ընթացքում նախատեսված միջոցառումների պատշաճ կերպով անցկացման հետ կապված հարցեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր