Պետրոս Փափազյանի մահվան կապակցությամբ

06 օգոստոսի, 2018

Սիրելի հայրենակիցներ,

Բուլղարիայում Հայաստանի Հանրապետության դեսպանությունը խոր ցավով տեղեկացավ ՀԲԸՄ Սոֆիայի կամերային նվագախմբի հիմնադիր, գլխավոր դիրիժոր և գեղարվեստական ղեկավար Պետրոս Փափազյանի մահվան մասին: Մեզ համար մեծ վիշտ է անվանի հայորդու, նշանավոր երաժշտի, բարի մարդու և լուսամիտ արվեստագետի անդառնալի կորուստը:

Դժվար է թերագնահատել մաէստրո Փափազյանի դերը Բուլղարիայի երաժշտական արվեստի զարգացման և ճանաչելիության գործում: Մեծ է նրա ներդրումը հայ-բուլղարական երաժշտական երկխոսության ոլորտում։ Բուլղարիայում, ինչպես նաև աշխարհի բազմաթիվ երկրներում կազմակերպված համերգների ժամանակ նրա ղեկավարությամբ հնչել են հայ և բուլղար դասականների բացառիկ նմուշներ:

Ցավում ենք, որ մեր սիրելի մաէստրոին այլևս չենք տեսնելու իր համար այդքան հարազատ դարձած բեմում: Նրա շատ ու շատ ծրագրեր և երազանքներ մնացին անավարտ․․․

Մեծ արվեստագետ Պետրոս Փափազյանի հիշատակը միշտ կմնա մեր սրտերում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր