Սոֆիայում բացվեց բուլղարահայ հայտնի նկարիչ Արշակ Ներսիսյանի ցուցահանդեսը

03 հոկտեմբերի, 2018

Սեպտեմբերի 27-ին Սոֆիայի «Յուզինա» պատկերասրահում տեղի ունեցավ բուլղարահայ նկարիչ Արշակ Ներսիսյանի «Գույնը և ձևը» վերտառությամբ անհատական ցուցահանդեսի բացման հանդիսավոր արարողությունը:

Միջոցառմանը մասնակցում էին արվեստի և մշակույթի գործիչներ, հասարակական կազմակերպությունների, հայ համայնքային կառույցների ներկայացուցիչներ, ինչպես նաև Բուլղարիայում ՀՀ դեսպան Արմեն Սարգսյանը:

Ցուցահանդեսին ներկայացված են հեղինակի վերջին տարիների կտավները, որոնք հագեցած են հայկական երանգներով և ներշնչում են ջերմություն ու հանդարտություն:

Ցուցահանդեսը բաց է լինելու մինչև ս.թ. հոկտեմբերի 14-ը:

Տեղեկանք. Արշակ Ներսիսյանը ծնվել է 1952թ. Հայաստանում: Ավարտել է Երևանի պետական գեղարվեստաթատերական ինստիտուտը: Մշտական բնակություն հաստատելով Բուլղարիայում՝ 1994թ.-ից Բուլղարիայի հայկական մշակութային ինստիտուտի տնօրենն է, նաև «Жените на Армения» («Հայաստանի կանայք») ամսագրի գեղարվեստական ղեկավարը: Տարբեր տարիներին ունեցել է շուրջ 30 անհատական ցուցահանդեսներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր