«Յավորովի աշխարհը» գրքի շնորհանդես

21 փետրվարի, 2019

Ս.թ. փետրվարի 21-ին Սոֆիայի Ազգային գրադարանում տեղի ունեցավ բուլղար ժամանակակից գրող Կատյա Զոգրաֆովայի «Յավորովի աշխարհը» գրքի շնորհանդեսը: Ստեղծագործությունը նվիրված է բուլղար մեծ բանաստեղծ Պեյո Յավորովին, ով հանդիսանում է նաև հայ ժողովրդի մեծ բարեկամը:

Ելույթ ունեցողներն անդրադարձան հայ–բուլղարական պատմական առնչություններին՝ շեշտելով երկու բարեկամ ժողովուրդների ոչ միայն հոգևոր և պատմական, այլև գրական կապերի մասին:

Գրքի հեղինակ Կատյա Զոգրաֆովան անդրադարձավ բուլղար ժողովրդի ազատագրական պայքարի երգիչ Պ. Յավորովի հայկական թեմաներով ստեղծագործություններին, մասնավորապես` «Հայերը» բանաստեղծությանը, որով նա դարձել է կամուրջ երկու նույն ճակատագրով կապված բարեկամ ժողովուրդների միջև: Նա պատմական ակնարկ կատարեց նաև Անդրանիկ Օզանյանի և Գարեգին Նժդեհի՝ Բալկանյան պատերազմին ունեցած մասնակցության և Բուլղարիայի պետականության վերականգնման գործընթացին բերած մեծ ավանդի մասին:

Շնորհանդեսին մասնակցեցին Բուլղարիայի գրողների միության անդամներ, գրականության ու արվեստի գործիչներ, հայ համայնքի, ինչպես նաև Բուլղարիայում ՀՀ դեսպանության ներկայացուցիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր