Նարեկացու «Մատյան Ողբերգություն» պոեմի ռուսերեն թարգմանությանը նվիրված շնորհանդես

22 մայիսի, 2019

Սոֆիայի հայկական կազմակերպությունների համադրիչ խորհուրդի նախաձեռնությամբ և Բուլղարիայում Հայաստանի դեսպանության աջակցությամբ և հովանավորությամբ 2019թ. մայիսի 22-ին Սոֆիայի Ազգային գրադարանում տեղի ունեցավ միջնադարի հայ մեծագույն գրող և փիլիսոփա Գրիգոր Նարեկացուն և նրա հանճարեղ «Մատյան Ողբերգություն» պոեմի ռուսերեն թարգմանությանը նվիրված շնորհանդեսը:

Միջոցառման սկզբում գրքերը որպես աղոթամատյան օրհնվեցին Հայ առաքելական եկեղեցու սպասավորի կողմից, այնուհետև երեկոյի բանախոս Սոնա Մինասյանը իր ռոսւերեն ելույթում ներկայացրեց Նարեկացու՝ մեզ հասած գրական ժառանգության գլուխգործոցին՝ «Մատյան ողբերգություն» պոեմին, որպես հայ միջնադարյան գրականության մտքի ամենամեծ արգասիք: Բանախոսը նշեց, որ պոեմը պատկանում է մարդկության ստեղծած գեղարվեստական մեծագույն արժեքների թվին, ամփոփում է այն լավագույնը ինչ ստեղծել է հայ քերթողական միտքը հնագույն ժամանակներից մինչը 10-րդ դարը: Պոեմում խտացված են բանաստեղծի ողբերգական ապրումները, տարակույսները, թե ինքը կարող է միանալ Աստծուն: Նարեկացու հոգին լի է առ Աստված, նա իր պոեմը ձոնել է առ Աստված՝ նրա մեջ տեսնելով գեղեցիկը, լավագույնը, կատարյալը և անաղարտը: Նա հավատում էր, որ Մատյանը կօգնի մարդուն, սեր, ազնվություն ու բարություն կսերմանի մարդկանց հոգիներում:

Երեկոն ուղեկցվոմ էր Կոմիտասի կենդանի երաժշտությամբ, հնչեցին նաև ռուսերեն լեզվով հատվածներ պոեմից: Երեկոյի վերջում հայ հոգևոր կատարումներով հանդես եկավ երգչուհի Մարի Բասմաջյանը:

Միջոցառմանը ներկա էին Սոֆիայում հավատարմագրված դեսպաններ, դիվանանագետներ, արվեստի և գրականության բուլղար մտավորականներ, ինչպես նաև հայ համայնքի ներկայացուցիչներ:

Շնորհանդեսին մասնակցեցին Բուլղարիայի հայտնի գրողներ, գրականության ու արվեստի գործիչներ, հայ համայնքի ներկայացուցիչներ: Մասնակիցների թվում էին Բուլղարիայում ՀՀ դեսպանության ներկայացուցիչները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր