«Հավատա գարնանը» խորագր համերգ՝ նվիրված Կոմիտասի ծննդյան 150-ամյակին:

26 մայիսի, 2019

2019թ. մայիսի 26-ին Հայ Բարեգործական Ընդհանուր Միության Սոֆիայի մասնաճյուղի նախաձեռնությամբ և Բուլղարիայում ՀՀ դեսպան Արմեն Սարգսյանի հովանավորությամբ Սոֆիայում կայացավ «Հավատա գարնանը» խորագրով հերթական համերգը՝ նվիրված Կոմիտասի ծննդյան 150-ամյակին:

Բուլղարահայ դիրիժոր Լևոն Մանուկյանի ղեկավարած ՀԲԸՄ կամերային նվագախմբի նվագակցությամբ ելույթ ունեցան հատուկ այս համերգի համար Հայաստանից ժամանած ջազային իմպրովիզացիաների հայտնի վարպետներ՝ շեփորահար Երվանդ Մարգարյանը և դաշնակահար Նառա Առաքելյանը:

Կոմիտասի ստեղծագործությունների հետ մեկտեղ համերգի ընթացքում հնչեցին Սայաթ-Նովայի, Ա. Բաբաջանյանի Ա. Հովհաննիսյանի, Մ. Լեգրանի և այլ կոմպոզիտորների ստեղծագործությունների ջազային մշակումներ:

Միջոցառմանը ներկա էին մեծ թվով հյուրեր և Սոֆիայի հայ համայնքի բազմաթին ներկայացուցիչներ: Համերգն ունեցավ մեծ հաջողություն՝ արժանանալով հանդիսատեսի ջերմ ընդունելությանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր