Բուլղարիայի Բուրգաս քաղաքում կայացավ «Հայկական երեկո Բուրգասում» միջազգային մշակութային փառատոն

10 օգոստոսի, 2019

Բուլղարիայի Բուրգաս քաղաքի «Պրիմորսկի պարկ» կենտրոնական զբոսայգում «Միասին Բուրգաս» ամառային միջազգային փառատոնի շրջանակներում օգոստոսի 10-ին կայացավ «Հայկական երեկո Բուրգասում» միջոցառումը:

Միջոցառումը կազմակերպվել էր Բուրգասի համայնքի կողմից՝ Բուրգասի քաղաքապետարանի և Բուլղարիայում ՀՀ դեսպանության աջակցությամբ:

«Հայկական երեկո Բուրգասում» փառատոնին մասնակցեցին Սոֆիա, Վառնա, Բուրգաս, Պլովդիվ, Ռուսե քաղաքների, ինչպես նաև Հունաստանից ժամանած հայ համայնքները ներկայացնող պարային համույթներ, երգչախմբեր և անհատ կատարողներ:

«Հայկական երեկո Բուրգասում» միջոցառումը պաստառներով հայերեն և բուլղարերեն լեզուներով հակիրճ ներկայացված էր հայոց պատմությունը՝ հատկապես հայ-բուլղարական դարավոր կապերը ներկայացնող դրվագներ, հայ հեղինակների գեղանկարների և լուսանկարների ցուցադրություններ:

Առանձին տաղավարներով ներկայացված էին նաև թանգարանային նմուշներ, ձեռագիր ավետարաններ, հուշանվերներ: Միջոցառման ընթացքում ներկաները հնարավորություն ունեցան ծանոթանալ և վայելել հայկական ավանդական հարուստ խոհանոցը:

Փառատոնին մասնակցում էին Կորեայից, Ռուսաստանից, իտալիայից և Բուլղարիայի տարբեր քաղաքներից ժամանած մասնակիցներ:

Փառատոնին իրենց մասնակցությունն էին բերել Բուլղարիայում ՀՀ դեսպանության դիվանագետները:

Փառատոնն ունեցավ մեծ հաջողություն՝ արժանանալով հանդիսատեսի ջերմ ընդունելությանը: Այն հիրավի վերածվեց լայնածավալ համահայկական տոնախմբության:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր