Դեսպան Արմեն Սարգսյանի ողջույնի խոսքը

22 սեպտեմբերի, 2019

Հարգարժան հյուրեր,

Սիրելի հայրենակիցներ,

Տիկնայք և պարոնայք,

Սրտանց ողջունում և շնորհավորում եմ Հայաստանի Հանրապետության և Բուլղարիայի Հանրապետության Ազգային տոներին նվիրված այս պայծառ միջոցառման մասնակիցներին և բոլոր ներկաներին:

Հատկանշական է, որ մեր պետությունների ազգային տոները նշվում են միասին՝ դրանով իսկ ընդգծելով հայ և բուլղար ժողովուրդների դարավոր բարեկամությունն ու երկու երկրների միջև գոյություն ունեցող սերտ հարաբերությունները:

Հայաստանի և Բուլղարիայի միջև տարեցտարի ընդլայնվում է քաղաքական, առևտրատնտեսական և պատմամշակութային համագործակցությունը, ինչի համար նոր խթան են հանդիսացել անցյալ տարի Հայաստանում տեղի ունեցած և ներկայումս շարունակվող հեղափոխական բարեփոխումներն ու Բուլղարիայում խորացող ժողովրդավարական գործընթացները:

Այս համատեքստում չափազանց կարևոր նշանակություն է ստանում երկկողմ մշակութային համագործակցության հետագա զարգացումը և այս գործում բուլղարահայ համայնքի ստեղծագործ ներուժի լիարժեք օգտագործումը: Այսօրվա տոնական միջոցառումը դրա վառ ապացույցն է:

Մեկ անգամ ևս շնորհավորելով Հայաստանի և Բուլղարիայի ազգային տոների կապակցությամբ՝ կցանկանայի իմ խորին շնորհակալությունը հայտնել Սոֆիայի քաղաքապետարանին և ՀԲԸՄ Սոֆիայի մասնաճյուղին՝ այսօրվա համերգը կազմակերպելու համար: Իմ առանձնահատուկ գնահատանքի խոսքերն եմ ուղղում ՀԲԸՄ կամերային նվագախմբին՝ նրա ղեկավար Լևոն Մանուկյանի գլխավորությամբ, մենակատարներ Սարգիս Զաքարյանին և Ստոյան Կարաիվանովին, բոլոր նրանց, ովքեն իրենց նպաստն են բերել այս գեղեցիկ միջոցառման կազմակերպման գործին:

Շնորհակալություն ուշադրության համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր