Հովակիմ Հովակիմյանին նվիրված գրքի շնորհանդես

24 սեպտեմբերի, 2019

Սոֆիայի հայկական կազմակերպությունների համադրիչ խորհուրդի նախաձեռնությամբ և Բուլղարիայում Հայաստանի դեսպանության աջակցությամբ և հովանավորությամբ 2019 թվականի սեպտեմբերի 24-ին Սոֆիայի Ազգային գրադարանում տեղի ունեցավ բուլղարահայ շնորհալի, համբավավոր վարպետ-ստեղծագործող Հովակիմ Հովակիմյանին նվիրված Անի Պիլիպոսյանի հեղինակած գրքի շնորհանդեսը:

Միջոցառման սկզբում գրքերը օրհնվեցին Հայ առաքելական եկեղեցու սպասավոր Տեր Գուսանի կողմից, այնուհետև գրքի հեղինակ Անի Փիլիպոսյանը ներկայացրեց հայ-բուլղարական բարեկամությանը նվիրված գրքի ստեղծման պատմությունը և այն հրատարակելու կարևորությունը: Մեծատաղանդ վարպետի բեղնավոր և արդյունավետ վաստակը բարձր է գնահատվել ոչ միայն բուլղար ժողովրդի, այլև Բուլղարական իշխանության կողմից:

Ելույթ ունեցողները «Փայտե հրաշագործ» հռչակցված վարպետին ներկայացնելիս նշեցին, որ վարպետը ուներ բազմակողմանի ձիրքեր և մեծ հարգանք էր վայելում բուլղար ժողովրդի հանդեպ` գիտակցելով, որ հայոց ցեղասպանությունից մազապուրծ եղած հազարավոր հայեր ապաստան գտնելով Բուլղարիայում, կարողացել են կազմավորվել և իրենց նպաստը բերել հայ և բուլղար ժողովուրդների դարավոր բարեկամության զարգացմանն ու ամրապնդմանը:

Երեկոյի վերջում հայ հոգևոր կատարումներով հանդես եկավ երգչուհի Մարի Բասմաջյանը:

Միջոցառմանը ներկա էր դեսպան Արմեն Սարգսյանը, դեսպանության անձնակազմը, արվեստի և գրականության բուլղար մտավորականներ, ինչպես նաև հայ համայնքի ներկայացուցիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր