Գինեգործության, գինու և ալկոհոլային խմիչքների միջազգային ցուցահանդես

06 նոյեմբերի, 2019

2019թ. նոյեմբերի 6-ին Սոֆիայի “Inter Expo Center” ցուցահանդեսային համալիրում մեկնարկել է “Salon Du Vin” վերտառությամբ գինեգործության, գինու և ալկոհոլային խմիչքների միջազգային ցուցահանդեսը:

Միջոցառմանը մասնակցում են ալկոհոլային խմիչքների և սննդի ոլորտը ներկայացնող բուլղարական և արտասահմանյան մի քանի տասնյակ ընկերություններ: Ցուցահանդեսի շրջանակներում անց են կացվում քննարկումներ, բանակցություններ, վարպետության դասեր, համտեսումներ և այլ միջոցառումներ:

Բուլղարիայում կազմակերպվող նման խոշոր ցուցահանդեսին առաջին անգամ իր սեփական արտադրության գինու և օղու մեծ տեսականիով մասնակցում է հայկական «Ռաֆ Օջախ» ընկերությունը:

Նոյեմբերի 7-ին հայկական տաղավար այցելեց և ցուցադրվող նմուշներին ծանոթացավ դեսպան Ա. Սարգսյանը: Ընկերության ներկայացուցիչների հետ հանդիպման ժամանակ նա շեշտեց դեսպանության պատրաստակամությունը մշտապես աջակցելու հայկական արտադրողին՝ միջազգային տարաբնույթ ցուցահանդեսներին և տոնավաճառներին մասնակցելու, գործարար կապեր հաստատելու, ինչպես նաև հայկական արտադրանքի համար նոր շուկաներ գտնելու գործում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր