Դեսպանության բարեգործական նախաձեռնություն բուժական կենտրոն-մանկատանը

17 դեկտեմբերի, 2019

2019թ. դեկտեմբերի 13-ին դեսպան Ա. Սարգսյանն Ամանորի և Սուրբ Ծննդյան տոներին ընդառաջ բարեգործական առաքելությամբ այցելեց Սոֆիայում գտնվող հաշմանդամություն ունեցող 9-22 տարեկան մտավոր հետամնաց երեխաների և երիտասարդների բուժական կենտրոն-մանկատուն:

Ա. Սարգսյանը հանդիպում ունեցավ կենտրոնի տնօրեն Ց. Պրեդովի և հիմնարկության աշխատակիցների հետ, ովքեր ՀՀ դեսպանին ներկայացրեցին կենտրոնի գործունեությունը, պայմանները, երեխաների ապրելակերպն ու առօրյան:

Դեսպանությունը երեխաների համար պատրաստել էր բազմատեսակ թխվածքներ, այդ թվում հայկական քաղցրավենիք և այլ ուտեստներ, որոնք դեսպան Ա. Սարգսյանն անձամբ բաժանեց երեխաներին` շնորհավորելով նրանց գալիք տոների կապակցությամբ: Աշխատակիցների խոսքերով, երեխաների համար այս օրը հիրավի դարձավ տոնական և զարդարեց նրանց միապաղաղ առորյան:

Կենտրոնի տնօրենն ու սպասարկող անձնակազմը խորին շնորհակալություն հայտնեցին Հայաստանի դեսպանությանը՝ մատուցած հաճելի անակնկալի և մանկատանը հոգևոր և նյութական աջակցություն ցուցաբերելու համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր