Ցուցահանդես՝ նվիրված Հայաստանի և Բուլղարիայի միջև դիվանագիտական հարաբերությունների հաստատման 30-ամյակին

19 հունվարի, 2022

2022թ. հունվարի 18-ին Բուլղարիայում ՀՀ դեսպանության կողմից անցկացվել է հայ նկարիչների ցուցահանդես՝ նվիրված Հայաստանի և Բուլղարիայի միջև դիվանագիտական հարաբերությունների հաստատման 30-ամյակին:

Ողջունելով ներկաներին՝ դեսպան Արմեն Եդիգարյանը նշել է, որ հայաստանյան կողմը վճռական է շարունակել խթանել երկկողմ հարաբերությունները՝ փոխադարձ հետաքրքրություն ներկայացնող բոլոր ոլորտներում, դրանցում առանձնացնելով տնտեսական հարաբերություններն՝ այդ թվում առևտրաշրջանառությունը և ներդրումները, մշակութային, կրթական, տարածաշրջանային հաղորդակցությունների և ենթակառուցվածքների, բարձր տեխնոլոգիաների, նորարարությունների, զարգացման համագործակցության, տուրիզմի և այլն:

ՀՀ դեսպանը հույս է հայտնել, որ ընթացիկ տարում հնարավոր կլինի կազմակերպել նախանշված միջոցառումներն, այդ թվում Տնտեսական և գիտատեխնիկական համագործակցության հարցերով հայ-բուլղարական միջկառավարական հանձնաժողովի նիստը:

Դեսպան Եդիգարյանն ընդգծել է հայ համայնքի՝ որպես երկու ժողովուրդների միջև յուրօրինակ կամուրջի դերակատարումը երկկողմ հարաբերությունների զարգացման հարցում:

Ցուցահանդեսին ներկա են եղել դեսպաններ, Բուլղարիայի արտաքին գործերի նախարարության, հայ համայնքի և համայնքային կառույցների, հրեա համայնքի ներկայացուցիչներ և բազմաթիվ հյուրեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր