Դեսպան Արմեն Եդիգարյանը այցելել է Սոֆիայի Սբ. Կլիմենտ Օխրիդսկի համալսարանի Հայագիտության կենտրոն

01 դեկտեմբերի, 2022

2022թ. դեկտեմբերի 1-ին դեսպան Արմեն Եդիգարյանը այցելել է Սոֆիայի Սբ. Կլիմենտ Օխրիդսկի համալսարանի Դասական և նոր բանասիրության ֆակուլտետի Արևելյան լեզուների և մշակույթի կենտրոն, հանդիպում ունեցել Հայագիտություն և կովկասագիտություն մասնագիտական ծրագրի ղեկավար Պետար Գոլիյսկիի, դասախոսական կազմի և ուսանողների հետ:

Հանդիպմանը հանգամանորեն անդրադարձ է կատարվել կենտրոնի գործունեությանը, առկա մարտահրավերներին և կենտրոնի հետ համագործակցությունն առավել խորացնելու հնարավորություններին և առկա ներուժի արդյունավետ օգտագործմանը:

Դեսպան Եդիգարյանն ընդգծել է հայոց լեզվի, պատմության և քաղաքակրթության նկատմամբ բուլղար հասարակության և ուսանողների հետաքրքրությունը և բարձր է գնահատել դասախոսական կազմի նվիրված և բարեխիղճ աշխատանքը` վերջիններիս հաջողություններ մաղթելով իրենց պատասխանատու առաքելությունում:

Դեսպան Եդիգարյանն առանձնանշել է Հայոց պատմության դասավանդման կարևորությունը, հատկապես հաշվի առնելով, որ որոշ ուժեր շարունակաբար աշխատանքներ են տանում տարածաշրջանի պատմությունը խեղաթյուրելու, վերաշարադրելու, հայկական պատմական հոգևոր և մշակութային ժառանգությունը ոչնչացնելու, հայկական հուշարձանների ինքնությունը փոխելու և յուրացնելու ուղղությամբ: Այդ մարտահրավերների հասցեագրման հարցում ՀՀ դեսպանը կարևորել է նաև գիտական հանրույթի կողմից անհրաժեշտ ջանքերի գործադրումը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր