Դեսպան Արմեն Եդիգարյանը մասնակցել է Պեյո Յավորովի 145-ամյակին նվիրված Խաչքարի բացման և օծման արարողությանը

11 մարտի, 2023

2023թ. մարտի 11-ին դեսպան Արմեն Եդիգարյանը Չիրպանում մասնակցել է Հայկական Խաչքարի բացման և օծման արարողությանը՝ նվիրված մեծանուն բանաստեղծ Պեյո Յավորովի 145-ամյակին:

Իր ելույթում դեսպան Եդիգարյանն ընդգծել է, որ, լինելով Բուլղարիայի Ազատագրման հասակակից` մեծանուն բանաստեղծն ապրել է կարճ, ողբերգական, բայց միաժամանակ հերոսական կյանք՝ արտացոլելով անկախության, ինքնիշխանության և վերամիավորման ճանապարհով առաջ քայլող բուլղար ժողովրդի պատմական դժվարությունները և հաղթանակները:

Դեսպանն առանձնանշել է, որ, լինելով բուլղարական սիմվոլիզմի առաջատար, Պեյո Յավորովը մարմնավորում է հայ-բուլղարական դարավոր բարեկամությունը, հայ և բուլղար ժողովուրդների մշակութային ընդանրությունն ու պատմական ճակատագրի նմանությունը:

Պ.Յավորովը և նրա ստեղծագործությունները արդարացիորեն արժանացել են հայ ժողովրդի բարձրագույն գնահատանքին: Նրա անունով է կոչվել Երևանի թիվ 131-րդ դպրոցը, որը հայ-բուլղարական բարեկամակության օջախ է, իսկ իր ծննդավայրում Խաչքարի տեղադրմամբ կերտվեց հայ-բուլղարական հարատև համերաշխության ևս մեկ մնայուն խորհրդանիշ:

Արմեն Եդիգարյանը երախտագիտություն հայտնեց Խաչքար տեղադրելու գաղափարի հեղինակներին և այն կյանքի կոչողներին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր