ԲՀ-ում ՀՀ նորանշանակ դեսպան Ծովինար Համբարձումյանը հանձնել է իր հավատարմագրերի պատճենը

03 դեկտեմբերի, 2024

2024թ. դեկտեմբերի 3-ին, ԲՀ արտաքին գործերի նախարարությունում, ԲՀ-ում ՀՀ նորանշանակ արտակարգ և լիազոր դեսպան Ծովինար Համբարձումյանը հանձնել է իր հավատարմագրերի պատճենը ԲՀ ԱԳ նախարարի տեղակալ Ելենա Շեկերլետովային:

Շնորհավորելով դեսպան Համբարձումյանին Բուլղարիայում իր դիվանագիտական առաքելության մեկնարկի կապակցությամբ՝ Ելենա Շեկերլետովան հաջողություն և բեղմնավոր աշխատանք է մաղթել նրան։ Վստահություն է հայտնել, որ նրա գործունեության ընթացքում հայ-բուլղարական համագործակցությունը կշարունակի ամրապնդվել և համալրվել նոր բովանդակությամբ։

Շնորհակալություն հայտնելով բարեմաղթանքների համար՝ դեսպան Համբարձումյանն ընդգծել է, որ առավելագույն ջանքերը կներդնի ընդհանուր արժեքների վրա հիմնված հայ-բուլաղրական բարեկամության և Հայաստանի ու Բուլղարիայի միջև առկա ամուր հարաբերությունների ամրապնդման, հետագա խորացման և երկկողմ օրակարգի առաջմղման ուղղությամբ:

Հանդիպման ընթացքում կողմերը քննարկել են հայ-բուլղարական հարաբերությունների ողջ օրակարգը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր