Սոֆիայում կայացել են Սումգայիթի ջարդերի 35-ամյա տարելիցին նվիրված հիշատակի արարողություններ

27 փետրվարի, 2023

2023թ. փետրվարի 26-ին դեսպան Արմեն Եդիգարյանը, Սոֆիայի հայ համայնքի և բուլղար հասարակության ներկայացուցիչները, ինչպես նաև բուլղար հասարակական և քաղաքական գործիչները հարգանքի տուրք են մատուցել Սումգայիթյան ջարդերի անմեղ զոհերի հիշատակին և ծաղիկներ խոնարհել «Երևան» պուրակում գտնվող հայկական Խաչքարի առջև:

Միջոցառման ընթացքում ելույթ ունենալով՝ դեսպան Արմեն Եդիգարյանն առանձնանշել է, որ Սումգայիթյան ջարդերն իրենց բնույթով մեր ազգային պատկերացումների և ինքնության այդպես էլ չամոքված համակարգում վերակենդանացրել են նույն դարի սկզբին տեղի ունեցած ցեղասպանության մռայլ և արյունալի ուրվականին, և ցավով պետք է արձանագրել, որ մարդկության դեմ ուղղված այս հանցագործությունը մնացել է անպատիժ, դրան չի տրվել քաղաքական գնահատական:

Դեսպան Եդիգարյանը շեշտել է, որ հայատյացությունը շարունակում է մնալ Ադրբեջանի պետական քաղաքականության ծիրում: Այն պետք է դատապարտվի և դադարեցվի, քանի որ միայն այդ կերպ հնարավոր կլինի հասնել տարածաշրջանում մնայուն խաղաղության և կայունության հաստատմանը:

Նույն օրը Սոֆիայի հայկական Սբ.Աստվածածին եկեղեցում մատուցվել է պատարագ, կատարվել է հոգեհանգստյան կարգ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր