Սոֆիայում ստորագրվել է Կրթության և գիտության բնագավառներում համագործակցության մասին Ծրագիրը

23 նոյեմբերի, 2023

2023թ. նոյեմբերի 23-ին Սոֆիայում կայացել է «ՀՀ կառավարության և ԲՀ կառավարության միջև կրթության և գիտության բնագավառներում 2023-2027թթ. համագործակցության մասին ծրագրի ստորագրման արարողությունը:

Հայկական կողմից Ծրագիրը ստորագրել է դեսպան Արմեն Եդիգարյանը, բուլղարական կողմից՝ կրթության և գիտության նախարար Գալին Ցոկովը:

Դեսպան Եդիգարյանն իր խոսքում նշել է, որ նոր ծրագիրը նշանավորում է կողմերի շարունակական ամուր հանձնառությունը՝ ամրապնդելու կրթության և գիտության ոլորտներում փոխգործակցությունը, գիտելիքի և փորձի փոխանակումը, և Ծրագիրը նպատակաուղղված է ընդլայնելու կրթական հնարավորությունները, խրախուսելու տաղանդներին և առավել լուսավոր ապագա ուրվագծելու հատկապես երիտասարդ սերնդի համար:

ՀՀ դեսպանը հավելել է, որ Հայաստանն ու Բուլղարիան ունեն բարեկամության և համագործակցության գերազանց հարաբերություններ, որոնք հիմնված են ընդհանուր, Եվրոպական արժեքների և մշակութային մտերմության, և հայ և բուլղար ժողովուրդների միջև դարավոր անխզելի կապերի վրա:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր