Վառնայում բացվել է Հայ-բուլղարական մշակութային և տեղեկատվական կենտրոնը

23 ապրիլի, 2024

Ապրիլի 21-ին Վառնայում բացվել է Հայ-բուլղարական մշակութային և տեղեկատվական կենտրոնը, որը հիմնադրվել է ՀԲԸՄ-Վառնայի մասնաճյուղի կողմից։

Կենտրոնը լայն հանրությանը և տեղական սուբյեկտներին տեղեկատվություն կտրամադրի հայոց պատմության և ժամանակակից մշակույթի, հայ-բուլղարական կապերի մասին, այն կարող է կազմակերպել հայերեն և բուլղարերեն լեզուների ուսուցանում, տարբեր մշակութային, կրթական միջոցառումներ, մասնավորապես՝ երիտասարդության համար՝ դրանով իսկ նպաստելով մարդկանց միջև շփումների հետագա ընդլայնմանը:

Կենտրոնի ստեղծման ողջ ընթացքում Բուլղարիայում Հայաստանի դեսպանությունը կազմակերպիչներին շարունակում է տրամադրել խորհրդատվություն և փորձաքննություն այդ հարցում:

Ինչպես բացման արարողության ժամանակ իր խոսքում նշեց Բուլղարիայում ՀՀ դեսպան Արմեն Եդիգարյանը՝ իր համար այս խոստումնալից կենտրոնը խորհրդանշում է նույն իրականության երկու հիմնական տարրերը. ավելի քան հարյուր տարի առաջ Բուլղարիայում ապաստան ստացած Հայոց ցեղասպանության վերապրողների ժառանգների անհատական և հավաքական հաջողությունը, ինչպես նաև հայ-բուլղարական հավերժական բարեկամության ամրությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր