Հիշատակի միջոցառումներ Սոֆիայում՝ նվիրված Հայոց ցեղասպանության 109-րդ տարելիցին

25 ապրիլի, 2024

2024թ. ապրիլի 24-ին Սոֆիայի «Երևան» այգում գտնվող հայկական խաչքարի մոտ, նաև Սոֆիայի հայկական գերեզմանատանը անցկացվել են հիշատակի արարողություններ նվիրված Հայոց ցեղասպանության 109-րդ տարելիցին:

Ելույթ ունենալով՝ դեսպան Արմեն Եդիգարյանը նշել է, որ համայն հայության միասնական ջանքերով պետք է շարունակել գործել Հայաստանի Հանրապետության դիմակայունության և անվտանգության բարձրացման, անկախ պետականության ամրապնդման ուղղությամբ. սա է հայ ազգի արժանապատիվ գոյատևման միակ ճանապարհը և զոհերի հիշատակի հարգանքի լավագույն դրսևորումն ու արդարության վերականգնումը: Պետականություն ունեցող ժողովուրդները չեն ցեղասպանվում:

Միջոցառմանը ներկա են գտնվել Երևանի փոխքաղաքապետ Սուրեն Գրիգորյանը և նրա գլխավորած պատվիրակությունը, Բուլղարիայի ազգային ժողովի պատգամավորներ, ՏԻՄ ներկայացուցիչներ, հայ համայնքի և բուլղար հասարակության ներկայացուցիչներ և մտավորականներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր