Ոգեկոչող միջոցառում Վառնայում՝ նվիրված Մաեստրո Շառլ Ազնավուրի 100-ամյակի հիշատակին

22 մայիսի, 2024

2024թ. մայիսի 22-ին Վառնայում կայացել է Մաեստրո Շառլ Ազնավուրի 100-ամյակի հիշատակին նվիրված միջոցառումը:

Միջոցառմանը դեսպան Արմեն Եդիգարյանի կողմից ծաղկեպսակ զետեղվեց Վառնայի «Սաեդինենիե» հրապարակում գտնվող Շառլ Ազնավուրի հուշարձանի առաջ:

Ելույթ ունենալով՝ դեսպան Ա. Եդիգարյանը նշել է, որ Շ. Ազնավուրի հարուստ ժառանգությունն այժմ պատկանում է մարդկությանը և դեռևս գալիք սերունդներին: Եվ դա միայն երգերը, ֆիլմերը և այլ ստեղծագործական նախագծերը չեն: Շառլ Ազնավուրը ֆրանսիական երաժշտության և մշակույթի դեսպանն էր աշխարհում, նրա տաղանդով հիանում էր ամբողջ աշխարհը: Նա նաև եղել է ՅՈՒՆԵՍԿՕ-ում և Շվեյցարիայի Համադաշնությունում Հայաստանի դեսպանը։ Բայց ավելին, նա միշտ եղել է մարդասիրության և հանդուրժողականության դեսպան և ջատագով: Անկանխատեսելի և չափազանց վտանգավոր միջավայրում աշխարհն ապրում է մեր օրերում, մենք բոլորս կարիք ունենք այդպիսի ճշմարիտ ժողովրդական առաջնորդների:

Միջոցառմանը ներկա են գտնվել Վառնայի քաղաքապետը, նահանգապետը, ԲՀ ԱԺ պատգամավորները, ՏԻՄ և հայ համայնքի ու բուլղար հասարակության ներկայացուցիչները:

Երեկոյան դեսպան Ա. Եդիգարյանը ներկա գտնվեց «Քեզ համար, Շառլ» համերգին, որի ընթացքում կատարվեցին Մաեստրոյի մի շարք երգեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր